DIGITAL ATHENAEUS

Digital Athenaeus
G. Kaibel: Athenaei Naucratitae Dipnosophistarum libri 15

Book 2

Paragraph
53

ΚΟΛΟΚΥΝΤΑΙ. Εὐθύδημος Ἀθηναῖος ἐν τῷ περὶ λαχάνων σικύαν Ἰνδικὴν καλεῖ τὴν κολοκύντην διὰ τὸ κεκομίσθαι τὸ σπέρμα ἐκ τῆς Ἰνδικῆς. Μεγαλοπολῖται δʼ αὐτὴν σικυωνίαν ὀνομάζουσι. Θεόφραστος δὲ τῶν κολοκυντῶν φησιν οὐκ εἶναι ἐν μέρει ἰδέας, ἀλλʼ εἶναι τὰς μὲν βελτίους, τὰς δὲ χείρους. Μηνόδωρος δʼ Ἐρασιστράτειος, Ἱκεσίου φίλος τῶν κολοκυντῶν, φησίν, μὲν Ἰνδική, καὶ αὐτὴ καὶ σικύα, δὲ κολοκύντη. καὶ μὲν Ἰνδικὴ κατὰ τὸ πλεῖστον ἕψεται, δὲ κολοκύντη καὶ ὀπτᾶται. ἄχρι δὲ τοῦ νῦν λέγεσθαι παρὰ Κνιδίοις τὰς κολοκύντας Ἰνδικάς. Ἑλλησπόντιοι δὲ σικύας μὲν τὰς μακρὰς καλοῦσι, κολοκύντας δὲ τὰς περιφερεῖς. Διοκλῆς δὲ κολοκύντας μὲν καλλίστας γίνεσθαι περὶ Μαγνησίαν, προσέτι τε γογγύλην ὑπερμεγέθη γλυκεῖαν καὶ εὐστόμαχον, ἐν Ἀντιοχείᾳ δὲ σικυόν, ἐν δὲ Σμύρνῃ καὶ Γαλατίᾳ θρίδακα, πήγανον δʼ ἐν Μύροις. Δίφιλος δέ φησιν· δὲ κολοκύντη ὀλιγότροφός ἐστι καὶ εὔφθαρτος καὶ ὑγραντικὴ τῆς ἕξεως καὶ εὐέκκριτος, εὔχυλος. εὐστομαχωτέρα δʼ ἐστὶν διʼ ὕδατος καὶ ὄξους λαμβανομένη, εὐχυλοτέρα δὲ ἀρτυτή. λεπτυντικωτέρα δʼ ἐστὶν μετὰ νάπυος, εὐπεπτοτέρα δὲ καὶ εὐεκκριτωτέρα κάθεφθος. Μνησίθεος δέ φησιν· ὅσα εὐφυῶς διάκειται πρὸς τὴν τοῦ πυρὸς κατεργασίαν, οἷον τε σικυὸς καὶ κολοκύντη καὶ μῆλα Κυδώνια καὶ στρουθία καὶ εἴ τι τοιοῦτον, ταῦθʼ ὅταν προσενεχθῇ πυρωθέντα, δίδωσι τῷ σώματι τροφὴν οὐ πολλὴν μέν, ἄλυπον δὲ καὶ μᾶλλον ὑγράν. ἐστὶ δὲ καὶ ταῦτα τῆς κοιλίας ἐφεκτικὰ πάντα. δεῖ δὲ αὐτὰ λαμβάνειν ἑφθὰ μᾶλλον. Ἀττικοὶ δὲ μόνως καλοῦσιν αὐτὴν κολοκύντην. Ἕρμιππος· τὴν κεφαλὴν ὅσην ἔχει· ὅσην κολοκύντην. Φρύνιχος ὑποκοριστικῶς· μαζίου τι μικρὸν κολοκυντίου. Ἐπίχαρμος· ὑγιώτερόν θήν ἐστι κολοκύντας πολύ.
Kaibel Dialogi Personae

Alignment

 

Digital Athenaeus Project     Creative Commons License